برامج التأهيل والعلاج الطبيعي المتخصصة

المكان ممتاز جدااا حالة ابني كانت قطع في الغضروف الهلالي وتهتك في ألياف الرباط الصليبي دكتور سالم دكتور ممتاز وخلوق جدااا شرحلي حالة ابني ومحتاج ايه بالظبط وكان متابع معاه تطوراته كل ما نخلص مرحلة من مراحل العلاج الطبيعي دكتور مصطفي كان بينفذ مع ابني العلاج الطبيعي ماشاء الله عليه ممتاز وصبور جدااا وقدر يخلي ابني رغم صغر سنه (٨ سنوات ) انه يواظب علي كل الجلسات من غير ما يشعر بملل وكان داعم ومحفز له جداا الحمد لله الرسيبشن وخدمة العملاء ماشاء الله عليهم بجد بشوشين وغاية في الاحترام والاحترافية ابني كان بيحب ييجي بسبب أسلوب استقبالهم له بجد كل حاجة في المكان مميزة جدا جزاهم الله كل خير عن ابني الدكتور المتابع حالة ابني أشاد بالنتيجة اللي ابني وصلها في مدة مش كبيرة من العلاج .. ملحوظة : جربت مع اخوه الكبير جلسات استشفاء للقصبة لأن كنت محتاجة اوصل لنتيجة سريعة قبل بطولته وماشاء الله وصل معاهم لاستشفاء سريع الحمد لله ..